சட்டத்தரணி நீலகண்டனுக்கு எதிராக கொழும்பில் நேற்று ஆர்ப்பாட்டம் அரசாங்கத்தினால் வழங்கக்கூடிய அத்தனை சேவைகளையும் மலையகத்துக்கு தொடர்ந்தும் வழங்கத் தயார் அமைச்சர் ஆறுமுகன் ஜனாதிபதியிடம் விடுத்த இரு வேண்டுகோள்கள் வாக்களிக்க தவறியோருக்கு நாளையும் சந்தர்ப்பம் ஐ.ம.சு.முவுக்கு மக்கள் பேராதரவு: மூன்று சபைகளிலும் வெற்றி உறுதி ஷிராணி பண்டாரநாயக்கவுக்கு நாட்டைவிட்டு வெளியேற தடை வாஸ் குணவர்தனவுக்கு பிணை: தொடர்ந்தும் விளக்கமறியலில் கடலில் நீராடச் சென்ற இருவர் உயிரிழப்பு சர்வதேச கண்காணிப்பாளர் குழு வடக்கில் பணிகளை ஆரம்பித்தது வடக்கு மக்களின் மனதை வெல்வதற்கு மாகாணசபை தேர்தல் சிறந்த அடித்தளம் பல்வேறு விபத்துக்களில் ஏழு பேர் பலி களங்கமற்ற எமது செயற்பாடுகள் மீது கறைபூசும் நோக்கில் கூட்டமைப்பு டெங்கு நோயை முன்கூட்டியே இனங்காணும் ஸ்கானர்கள் ஆஸ்பத்திரிகளுக்கு விநியோகம் பிரிட்டிஷ் உயர்ஸ்தானிகர் தலைமையிலான உயர்மட்டக் குழு நேற்று மட்டு விஜயம் யாழ்ப்பாணத்தில் 700 ஆவது நணசல அறிவாலயம் பருத்தித்துறையில் திறந்து வைப்பு தலவாக்கலை டெவன் நீர்வீழ்ச்சியில் விழுந்து ஒருவர் பலி

அமைச்சர் ஆறுமுகன் ஜனாதிபதியிடம் விடுத்த இரு வேண்டுகோள்கள்

தலவாக்கலையிலிருந்து லோரன்ஸ் செல்வநாயகம்

மலையக தோட்டத் தொழிலாளர்களின் வீட்டு வசதிகளையும் தோட்ட மக்களைப் பாதிக்கும் மதுபானசாலைகளை மூடிவிடும் நடவடிக்கையையும் நடைமுறைப்படுத்த வேண்டுமென்று அமைச்சர் தொண்டமான் ஜனாதிபதி மஹிந்த ராஜபக்ஷ அவர்களிடம் கேட்டுக்கொண்டார்.

தலவாக்கலையில் நேற்று முன்தினம் நடைபெற்ற தேர்தல் பிரசாரக் கூட்டத்தில் உரையாற்றும் போதே அமைச்சர் இந்த இரண்டு வேண்டுகோள்களையும் ஜனாதிபதியிடம் முன்வைத்தார்.

ஜனாதிபதியின் தலைமையில் நடைபெற்ற இந்தத் தேர்தல் பிரசாரக் கூட்டத்தில் அமைச்சர் நிமல் சிறிபால டி சில்வா உட்பட அமைச்சர்கள் இ.தொ.கா. தலைவர் பிரதியமைச்சர் முத்து சிவலிங்கம் உட்பட பிரதியமைச்சர்கள், முக்கியஸ்தர்கள் கலந்து கொண்ட இந்த நிகழ்வில் தொடர்ந்து உரையாற்றிய அமைச்சர்: ஜனாதிபதி அவர்கள் எம்மத்தியில் வருகை தந்திருப்பது அவருக்கும் எமக்குமுள்ள நெருங்கிய உறவை வெளிப்படுத்துகிறது. மலையக இந்திய வம்சாவளி மக்களுடன் அரசாங்கம் கைகோர்த்து நிற்பதைக் காட்டுகிறது.

சிலர் என்னை எதிர்வரும் 22ம் திகதி இந்தியாவிற்குள் தூக்கி வீசப்போவதாகக் கூறி வருகிறார்கள். அவர்களுக்குப் பதில் கூறுவதாகவே இந்தக் கூட்டம் அமைந்துள்ளது.

நான் ஜனாதிபதியிடம் இரண்டு வேண்டுகோள்களை முன்வைத்துள்ளேன். அதிலொன்று தோட்ட மக்களுக்கும் கிராமிய முறை வீட்டு வசதிகள் மற்றும் தோட்டப்புறங்களிலுள்ள மதுபான விற்பனை நிலையங்களை மூடிவிடச் செய்வது, அதற்கு ஜனாதிபதியின் உறுதுணையை நாடுகிறேன்.

மகளிர் என்னிடம் தொடர்ந்து இந்த முறைப்பாடுகளை முன்வைத்து வருகின்றனர். நானும் இது பற்றி ஏற்கனவே ஜனாதிபதியிடம் எடுத்துக் கூறியுள்ளேன். இன்று தோட்ட மக்களே நேரடியாக கைகளை உயர்த்தி அதற்கு விருப்பம் தெரிவித்துள்ளனர்.

லயன்களுக்குப் பதிலாக கிராமங்கள் அமைக்கப்பட்டால்தான் இந்த நாட்டின் ஏனைய சமூகங்களைப்போல் மலையக மக்கள் இணைந்து வாழ்ந்து சரி சமமான வசதிகளைப் பெற்றுக்கொள்ள முடியும். இந்த இரண்டு வேண்டுகோள்களையும் ஜனாதிபதி அவர்கள் நிறைவேற்றித் தருவார் என்ற நம்பிக்கையுண்டு எனவும் அமைச்சர் மேலும் தெரிவித்தார்.

இந்த நிகழ்வில் உரையாற்றிய பிரதியமைச்சர் முத்து சிவலிங்கம் தோட்ட மக்களின் லயன் பிரச்சினையை ஜனாதிபதியின் கவனத்துக்குக் கொண்டு வந்தமை குறிப்பிடத்தக்கது. (ஸ)

ஆசிரியருக்கு எழுதுங்கள் | அச்சுப் பிரதி