|
புதிய அத்தியாயம் ஆரம்பம்
ஜனாதிபதி நாளை
இந்தியா பயணம்
‘ஜனாதிபதியையும் தூதுக்குழுவையும்
வரவேற்க இந்திய அரசும் மக்களும் பெரு மகிழ்ச்சியுடனேயே உள்ளனர்’
பிரதமர் மோடி தெரிவிப்பு
லோரன்ஸ் செல்வநாயகம்
 இந்தியப் பிரதமர் நரேந்திர மோடியின் அழைப்பினை ஏற்று ஜனாதிபதி மைத்திரிபால சிறிசேன
நாளை 15 ஆம் திகதி இந்தியாவுக்கான மூன்று நாள் விஜயத்தினை மேற்கொள்ளவுள்ளார்.
ஜனாதிபதியாகப் பதவியேற்று இவர் மேற்கொள்ளும் முதலாவது வெளிநாட்டுப் பயணம் இதுவாகும்.இந்தியாவுக்கான விஜயத்தை மேற்கொள்ளும் இலங்கை ஜனாதிபதியையும் தூதுக் குழுவினரையும்
வரவேற்பதற்கு இந்திய அரசாங்கமும் மக்களும் பெரும் மகிழ்ச்சியுடன் காத்திருப்பதாக
இந்தியப் பிரதமர் நரேந்திர மோடி தொலைபேசி மூலம் தெரிவித்துள்ளார். இலங்கையின் புதிய
ஜனாதிபதிக்கு மகத்தான வரவேற்பளிப்ப தற்கான அனைத்து நடவடிக்கைகளையும்
மேற்கொண்டுள்ளதாகத் தெரிவித்துள்ள இந்தியப் பிரதமர், ஜனாதிபதி மைத்திரிபால
சிறிசேனவின் இந்திய விஜயம் இலங்கை - இந்திய நல்லுறவில் புதிய அத்தியாயத்தைத்
தோற்றுவிக்கும் என்றும் தெரிவித்துள்ளார்.
விவரம் |
எவன்காட் ஆயுதக் கப்பல் மற்றும் பண்டாரநாயக்க சர்வதேச மாநாடு மண்டபத்தில்
இரகசியமாக இயங்கி வந்த ஆயுதக் களஞ்சியம் ஆகியவை தொடர்பில் முன்னாள் பாதுகாப்பு
செயலாளர் கோத்தாபய ராஜபக்ஷ நேற்று இரகசியப் பொலிஸாரினால் விசாரணைக்கு உட்படுத்தப்
பட்டார்.
வட மாகாண சபையில் நிறைவேற்றப்பட்ட தீர்மானத்தை உடனடியாக வாபஸ் பெற வேண்டுமென
எதிர்க்கட்சித் தலைவர் நிமல் சிறிபால டி சில்வா தெரிவித்தார். இந்த தீர்மானம்
நல்லிணக்க செயற் பாட்டிற்கு பாதிப்பை ஏற்படுத்துவதாக குறிப்பிட்ட அவர் நாட்டின்
இறைமைக்கு குந்தகமான விடயங்களை அனுமதிக்க முடியாது என்றும் கூறினார்.
இது தொடர்பில் கருத்துத் தெரிவித்த அவர், மாகாண சபைக்குள்ள விடய பரப்பிற்கு
தொடர்பற்ற தீர்மானமே வடமாகாணத்தில் நிறை வேற்றப்பட்டுள்ளது. 
பலாலி அதியுயர் பாதுகாப்பு வலயத்தில் 1000 ஏக்கர் நிலப்பரப்பு விடுவிக்கப்படுவதாயின்
உரிய காணி உரிமையாளர்களுக்கே வழங்கப்பட வேண்டும். இதனை விடுத்து காணிகளைப் பிரித்து
மாதிரிக் கிராமம் அமைப்பதோ அல்லது மக்களுக்குப் பகிர்ந்த ளிப்பதோ பிழையான விடயம் என
தமிழ்த் தேசியக் கூட்ட மைப்பின் பேச்சாளர் சுரேஷ் பிரேமச்சந்திரன் எம்பி
தெரிவித்தார்.
முதற்கட்டமாக 220 ஏக்கர் காணிகளை 20 பேர்ச் காணித் துண்டுகளாகப்
பிரித்து மக்களுக்கு வழங்கப்படவிருப்பதாக புதிய அரசாங்கம் கூறியுள்ளது.
