தீர்விற்குத் தடையாக 3 பிரதான காரணிகள் விபுலமுனியின் விழி திறப்பது எப்போது ? கோவளம் வெளிச்ச வீட்டிற்கு 100 வயது! இற்றைவரை கண்டுகொள்ளப்படாத அவலம்! இந்தியா நினைத்தால் சகல பிரச்சினைகளுக்கும் தீர்வு வெளிநாடுகளுக்கு இனி பணத்தை அனுப்பலாம் இந்திய வம்சாவளி மக்கள் தொடர்பிலும் இந்தியா நட்பு அழுத்தம் தர வேண்டும் தாய்வானில் சக்தி வாய்ந்த நிலநடுக்கம் எமில்காந்தன் வருகை மஹிந்தவை நெருக்கடிக்குள் சிக்க வைக்கும்? நுவரெலியா மாவட்ட அபிவிருத்தி குழுவுக்கு திகா, இராதா, திலகராஜ் காதோடு காதாக

தமிழ்த் தாய்மாரின் கண்ணீரை இப்போதாவது புரிந்து கொள்வாரா? தீர்விற்குத் தடையாக 3 பிரதான காரணிகள் இலங்கையின் 68 ஆவது சுதந்திர தின வைபவம் பெரும்பான்மையினத்தவர்களுக்கு உள்ள உரிமைகள்,சலுகைகள் முஸ்லிம்களுக்கும் கவிதை மஞ்சரி வெளிநாட்டு வேலை மகளிர் மஞ்சரி மாறி வரும் வரிசை வீட்டு வாழ்ககை முறை, அரசியலில் மாற்றத்தை ஏற்படுத்துமா? T20: போட்டிகளில் இந்திய அணி இலகு வெற்றி தொடங்கும் முன் முடிந்த சிரிய அமைதிப் பேச்சு தமிழ் நாட்டு முதலீட்டாளர்களுக்கு அமைச்சில் பிரத்தியேக பிரிவு இவ்வார மழலை கணவனைக் கொல்லும் மனைவியின் திட்டம் அம்பலம் ஜோதிடம்

தமிழ் அரசியல் கைதிகள், காணாமற்போனோர், காணிகள் விடுவிப்பு:

தீர்விற்குத் தடையாக 3 பிரதான காரணிகள்

 சமஷ்டியா, ஒற்றையாட்சியா அல்லது சுயாட்சியா என்பது கட்சிகளின் பிரச்சினையே

 அரசும், தமிழ்க் கட்சிகளும் இணையாவிடில் பாதகமான விளைவுகளை சந்திக்க நேரிடும்

எஸ். சுரேஸ்

நாட்டில் நல்லாட்சி அரசாங்கம் ஏற்படுத்தப்பட்டு ஒரு வருடம் கழிந்துவிட்ட நிலையிலும் இனப்பிரச்சினைக்குத் தீர்வுகாண முடியாதிருப்பதற்கு தமிழ் அரசியல் கைதிகள் விவகாரம், காணாமற்போனோரது பிரச்சினை, மக்களது காணிகள் இன்னமும் முழுமையாக விடுவிக்கப்படாமை ஆகிய மூன்று விடயங்களுமே பிரதான காரணங்களாக அமைந்துள்ளன. இதுவரை இவற்றுக்கு உரிய தீர்வினைக் காண முடியாதிருப்பதே இனப்பிரச்சினைத் தீர்வு காணல் விடயத்திற்குத் தடையாக அமைந்திருப்பதாக புத்திஜீவிகளும், மதத் தலைவர்களும் சுட்டிக் காட்டியுள்ளனர். இந்த மூன்று விடயங்களுக்கும் தீர்க்கமான முடிவினை அரசாங்கம் காணாதவிடத்து இனப்பிரச்சினைத் தீர்வு என்பது தள்ளிச் செல்லும் ஒரு விடயமாகவே இருக்கும் எனவும் அவர்கள் தெரிவித்துள்ளனர்.

முப்பது வருட கால யுத்தத்தின் பிடியிலிருந்து மீண்டுள்ள தமிழ் மக்களது உடனடித் தேவையாகவுள்ள இந்த மூன்று விடயங்களுக்கும் தீர்வினைப் பெற்றுக் கொடுப்பது அரசாங்கத்தினதும் தமிழ்க் கட்சிகளினதும் பாரிய பொறுப்பாக உள்ளது. தமது இந்த மூன்று விடயங்களிற்காகவும் அந்த மக்கள் தினமும் வீதிகளில் ஆர்ப்பாட்டங்களையும் உண்ணாவிரதங்களையும் மேற்கொள்கின்றனர். வடக்கே வரும் இராஜதந்திரிகளிடமும் தமது குறைகளை முறையிடுகின்றனர்.

ஆனால், அரசாங்கமும் தமிழ்க் கட்சிகளும் இவற்றில் அக்கறை செலுத்தாது தீர்வு முயற்சிகளில் தம்மை மும்மரமாக ஈடுபடுத்தி வருகின்றனர். சமஸ்டியா, ஒற்றையாட்சியா அல்லது சுயாட்சியா எனத் தமக்குள் வாதிட்டு வருகின்றனர். இது ஆரோக்கியமான விடமல்ல. மக்கள் தீர்வு விடயத்திலும் பார்க்க தமிழ் அரசியல் கைதிகள் விடுவிப்பு விவகாரம் மற்றும் காணாமற்போன தமது உறவுகளைக் கண்டுபிடிக்கும் செயற்பாடுகளிலும் தமது சொந்தக் காணிகளை மீட்டெடுப்பதிலுமே அதிக அக்கறை செலுத்தி வருகின்றனர் எனவும் புத்திஜீவிகளால் சுட்டிக்காட்ப்பட்டுள்ளது.

எனவே அரசாங்கமும், தமிழ்க் கட்சிகளும் இணைந்து இந்த விடயங்களுக்குத் தீர்வினைக் காண முன்வர வேண்டும். தமிழ்க் கட்சிகள் அரசியலமைப்பு தொடர்பாக ஏட்டிக்குப் போட்டியாக வரைபு அறிக்கைகளைத் தயாரித்து மக்களிடம் அபிப்பிராயம் கேட்பதற்கு முன்னர், மக்கள் கேட்கும், எதிர்பார்க்கும் அடிப்படைப் பிரச்சினைகளுக்கு அரசாங்கத்திடமிருந்து தீர்வினைப் பெற்றுக் கொடுக்க வேண்டும் எனவும் புத்திஜீவிகள் சுட்டிக் காட்டியுள்ளனர்.

இந்த மூன்று விடயங்களையும் எதிர்பார்த்தே புதிய அரசாங்கம் ஏற்பட தமிழ் மக்கள் தமது புரண ஆதரவை வழங்கினர். அவர்களது எதிர்பார்ப்பு காலதாமதமாகி வருவதால் அம்மக்கள் ஒருவித விரக்தி நிலையை அடைந்துள்ளனர். இதற்குத் தமிழ்க் கட்சிகளே பிரதான காரணமாக உள்ளன. எனவே தமிழ்க் கட்சிகள் முதலில் தமக்குள் ஒற்றுமையை ஏற்படுத்தி மக்கள் நலனுக்காகச் செயற்பட முன்வர வேண்டும் என மதத் தலைவர்கள் கோரிக்கை விடுத்துள்ளனர்.

காணாமற்போனவர்கள் உயிருடன் இருக்கிறார்களா இல்லையா, இருந்தால் அவர்கள் எங்கே மறைத்து வைக்கப்பட்டுள்ளனர் என்பதற்கு விடையைக் காண வேண்டும். அதேபோன்று தமிழ் அரசியல் கைதிகளை விடுவிக்க முடியுமா, முடியாதா அதிலுள்ள சிக்கல்கள் என்ன என்பதனை அரசாங்கத்திடம் தெளிவாகக் கேட்டு மக்களுக்கு விடையளிக்க வேண்டும். இதேபோன்றே படையினர் வசமுள்ள மக்களுக்குச் சொந்தமான காணிகளை விடுவிப்பதில் காணப்படும் தாமதம் ஏன் என்பதற்கும் அரசாங்கத்திடமிருந்து விடையைப் பெற்று மக்களுக்குக் கூற வேண்டும் எனவும் புத்திஜீவிகள் தெரிவித்துள்ளனர்.

|	| ஆசிரியருக்கு எழுதுங்கள் | அச்சுப் பிரதி