படுகொலையில் முடிந்த தேனிலவு! காவத்தை இரட்டைக் கொலை

அரசியல்வாதிகளின் பெயரால் ஆதரவாளர்கள் திருகுதாளம் ஆதரவைத் தேடுவதில் அதிகாரிகள் தீவிரம்! "இலங்கை மீதான சர்வதேச அழுத்தம் இன விரிசலை துருவப்படுத்தவே வழிகோலும்'' கீரிமலைக் கடற்கரை ஒரு மனோரம்மியமான இடம் இலங்கையில் வனவளப் பாதுகாப்பிற்காக Ford 10,000 டொலர் நன்கொடை அவள் கள்ளி இவ்வார சிரிப்பு ஐக்கியத்தையும் சமத்துவத்தையும் ஏற்படுத்தும் வகையில் அமைந்த அட்டன் மகளிர் தின நிகழ்வுகள் இவ்வார பலன் ஒஸாமாவின் உயிருக்கு உலை வைத்த உறவு? படுகொலையில் முடிந்த தேனிலவு! கண்டிப்பு உள்ள இடத்தில் காரியம் இருக்கும் இன்று ஆரம்பமாகும் ஆசிய கிண்ணப் போட்டி

காவத்தை இரட்டைக் கொலை

இலங்கையில் முதலாவதாக 'கிரீஸ் பூதம்' உருவாகியது காவத்தைப் பகுதி யிலாகும். இதனால் காவத்தையில் சிறு சம்பவங்கள் இடம்பெற்றாலும், அது பாரியளவில் பேசப்படுகின்றது. சந்தேகநபர்கள் கைது செய்யப்பட்டதனைத் தொடர்ந்து நாட்டு மக்களின் பார்வை காவத்தை பற்றியதாகவே காணப்படுகின்றது. காவத்தை (Opata)  ஓபாத்த கொட்டக்கெத்தன பகுதியில் அச்சம் கலந்த வாழ்க்கையையே இப்பகுதிப் பெண்கள் அனுபவித்து வந்தனர்.

இக்காலப் பகுதியில் 9 பெண்கள் கொலை செய்யப்பட்டனர். இது குறித்து பொலிஸார் விசாரணை மேற்கொண்டு வந்த வேளையில், பிரதேசவாசிகள் அதில் நம்பிக் கையின்மை காரணமாக வீதியில் சவப்பெட்டிகளை வைத்து ஆர்ப்பாட்டம் செய்தனர். அதன் பின்னர், இந்தக் கொலைகளின் சூத்திரதாரிகள் அனைவரும் கைது செய்யப்பட்டனர். இவை இடம்பெற்று பல மாதங்கள் கடந்த நிலையில் இப்பகுதி மக்கள் அமைதி வழிக்குத் திரும்பினர். இதனால் பதற்றம் தணிந்தது. ஆனால் கடந்த ஜனவரி 31ஆம் திகதி, அப்பகுதியில் தனி யாக வசித்து வந்த தாயும் மகளும் கொலை செய்யப்பட்டனர். இதனால் இப்பகுதியில் மீண்டும் பதற்றமும் அச்சமும் கலந்த சூழ்நிலை தொடங்கியது.

வீட்டில் தனியாக இருந்த தாயையும், நயனா நில்மினி (வயது 51), அவரது மகளான காவிந்தியா சத்துரங்கி (வயது 18) இருவரும் கொலை செய்யப்பட்ட னர். இக்கொலை இடம்பெற்று ஒரு மாதம் முடிந்த நிலையில் இதுவரை எவ ரும் கைது செய்யப்படவில்லை. எனினும் பொலிஸாரும், இரகசிய பொலிஸாரும் தீவிர விசாரணைகளை மேற்கொண்டதால் கொலை செய்யப் பட்டவர்களின் வீட்டுக்கருகிலுள்ள கணவன், மனைவி மற்றும் ஆட்டோ சாரதி என 3 பேர் கடந்த 7ஆம் திகதி கைது செய்யப்பட்டனர்.

கைது செய்யப்பட்டவர் அமைச்சர் ஒருவரின் பிரத்தியேக செயலாளரும், கொடக்கவலை பிரதேச சபை உறுப்பினர் எல். தர்மஸ்ரீ என்பவரின் சகோதரரான ராஜீ என்பவரும் அவரது மனைவியான அசோகா மற்றும் முச்சக்கரவண்டி சாரதியான சனத் என்பவர்களே கைது செய்யப்பட்டனர்.

இக்கொலையாளிகள் கைது செய்யப் பட வேண்டுமென்று இப்பகுதிப் பெண்கள் பலர் ஒன்று திரண்டு, தேவாலயம் மற்றும் விகாரைகள், கோயில்கள் என்பவற்றுக்குச் சென்று சிதறு தேங்காய் அடித்துள்ளனர். சிதறு தேங்காய் அடித்து 4 நாட்களின் பின்னர் இந்த சந்தேக நபர்கள் 3 பேரும் கைது செய்யப்பட்டுள்ளனர்.

ஜனவரி 31ஆம் திகதி செவ்வாய்க் கிழமை மாலை வேளையில், கொலை செய்யப்பட்டவர்களின் வீட்டுக்குச் சென்ற கொலையாளியின் மனைவி வீட்டின் கதவினைத் தட்டிய போது, கதவைத் திறந்த தாய் நயனாவை ஓங்கி வெட்டியுள்ளர். தாய் ஸ்தலத்தி லேயே உயிரிழந்துள்ளார். இவரது சத்தத்தைக் கேட்டு அறையிலிருந்து வெளியே வந்த மகள் காவிந்தியா "மாமா என்ன வேலை செய்தீர்கள்" என்று வினவவே அவரது தலையிலும் பொல்லால் தாக்கவே, அவரும் ஸ்த லத்திலேயே உயிரிழந்தார். அப்போது இரவு வேளை என்பதனால், முச்சக்கர வண்டியின் சாரதி சனத்தின் உதவியுடன் மகளின் சடலத்தை கைவிடப்பட்ட மாணிக்கக்கற்கள் அகழும் குழியில் வீசி எறிந்துள்ளனர்.

இடம்பெற்ற இச்சம்பவத்தை ஏற்கனவே கொலைகளின் சூத்திரதாரிகளின் உதவியாளர் களின் வேலையாக இருக்கலாம் என ஆரம்பத்தில் கூறப்பட்டது.

இது இவ்வாறிருக்க கொலையாளிகள் கைது செய்யப்பட்ட தனை கேள்வியு ற்ற காவத்தை பிரதேச மக்கள், காவத்தை லிகின்யா சந்தியில் டயர்க ளைப் போட்டு எரித்து ஆர்ப்பாட் டத்தில் ஈடுபட்டனர்.

எஸ். ஆர். இரவீந்திரன்

(இரத்தினபுரி தினகரன் நிருபர்)

ஆசிரியருக்கு எழுதுங்கள் | அச்சுப் பிரதி