வாளால் பரவியது இஸ்லாம் என்று
வாயால் பழி சொல்லுகிaர் மென்று
தோழர்கள் நபி தோளோடு நின்று
தொழுதனர் ஓர் இறை என்று
*
வெட்ட வந்தவரை வெட்டிய வீரர்கள்
வாளால் நபி வெட்ட எக்
கட்டத்திலும் துணிந்திலார் - இறை
கட்டளை ஏற்பதே அண்ணலார் துறை
*
வள்ளல் நபி வாழ்வில் பணிந்து
போதித்தனர் நபி தோழர்கள் சேர்ந்து
எல்லாரும் நபியுடன் துணிந்து
ஏற்றனர் இஸ்லாத்தின் யதார்த்தம் உணர்ந்து
*
பொறுமை காத்த பொக்கிஷம் நபி
பொறாமை தீயை அன்பால் அணைத்து
கருவம் களைந்தே ‘காத்தூன்’ நபி
காவலனாய் ஏகத்துவம் போதித்தா ரணைத்து
*
கலக(ம்) நாதி காருண்யம் மதித்து
கடல் கடந்து மார்க்கம் பரப்பி
உலக முழுக்கும் தொழுது காட்டிய
உண்மை மத வழி காட்டி(யவர்)
*
இனி ஆயுதங்கள் தேவையில்லை
அதை கீழே வீசுங்கள் வென்றிடுவீர்
தனி வணக்கமாது மது போதைதள்ளி
அவரவர் கல்பு’டனே போரிடுவீர்!
ஹஜ் ஜ{ப் பெருநாள்
எம். எம். அலி அக்பர், கிண்ணியா
அந்த ஒருநாளில் ஏக இறைவன்
நபி இபுறாஹிமின் கனவில் தோன்றி
சொந்த மகன் இஸ்மாயிலை அறுத்துப்பலியிட
அன்புக் கட்டளையிட்டானே!
வல்ல நாயனும் இபுறாஹிம் நபியின்
இறை பக்தியை இவ்வாறு சோதித்திடவே
நல்ல மனங் கொண்ட நபியவர்களும் மகனை
பலியிட உடன் செயற்பட்டார்களே!
படுக்க வைத்து இபுறாஹிம் நபியவர்களும்
மகனின் கழுத்தை அறுத்திடவே
தடுக்கப்பட்டதே வல்ல நாயனருளால்
கத்தியின் அறுக்கும் சக்தியும்
இதற்குப் பகரமாகவே செம்மறியாட்டை
அறுத்து குர்பானி கொடுக்க ஆணையிட்டு
அதற்காக கிடைத்ததே தியாக ஹஜ்ஜுப் பெருநாளாம்
உலக முஸ்லிம்கள் கொண்டாடுகின்றனரே இன்றதனை
வாழ்த்தும் பெருநாள்
ஹிமாஸா ஏ. சாஹிட், மல்வானை
துல்ஹஜ் பிறை பத்தில்
வாழ்த்து சொல்ல வருகுது
ஹஜ்ஜுப் பெருநாள்...
நபி இப்றாஹிம் (அலை) இன்
தியாகத்தை - நமக்கு
திரையிட்டு காட்டுகிறது...
புனித கஃபாவை தரிசித்து
புண்ணியம் தேட
புன்னகையுடன் அழைக்கிறது...
இஹ்ராம் கட்டும் போதே
இச்சைகளை வெறுத்து
இறைவனுக்கு அடிபணியச் செய்கிறது...
மனித சமத்துவம் பேணுவதில்
ஐ.நாவையும் வென்று
கம்பீரமாய் நிற்கிறது
ஆசிரியருக்கு எழுதுங்கள்
அச்சுப் பிரதி
