அலப்போ நகர் மீது பாரிய தாக்குதலுக்கு தயாராகும் சிரிய படை செவ்வாய் ஒப்பொர்சுனிட்டி இயந்திரம் முக்கிய கண்டுபிடிப்பு கடுமையாகும் சுவிட்சர்லாந்தின் தஞ்சக் கோரிக்கை சட்டம் அமெரிக்க அணு குண்டுகள் நெதர்லாந்தில் பதுக்கி வைப்பு சவூதியிலிருந்து 2 மாதங்களுள் 180,000 வெளிநாட்டு தொழிலாளர்கள் வெளியேற்றம் அமெரிக்க உளவு இரகசியத்தை அம்பலப்படுத்தியவர் அடையாளம் வெளியீடு காபுல் விமான நிலையத்திற்கு அருகில் தலிபான்கள் தாக்குதல்

காபுல் விமான நிலையத்திற்கு அருகில் தலிபான்கள் தாக்குதல்

ஆப்கானிஸ்தான் தலைநகர் காபூலில் பிரதான சர்வதேச விமான நிலையத்துக்கு அருகே தலிபான் இயக்கத்தினர் நேற்று அதிகாலை அதிரடியாக தாக்குதல் நடத்தியுள்ளனர்.

இதனால் அந்நாட்டின் எல்லா பயணிகள் விமான சேவைகளும் நிறுத்தப்பட்டு ள்ளன. ஆப்கன் இராணுவ முகாமுக்கு அருகே இருந்த கட்டிமுடிக்கப்படாத -5 மாடிக் கட்டிடமொன்றை ஆயுததாரிகள் கட்டுப்பாட்டில் வைத்திருந்துகொண்டு இந்தத் தாக்குதலை முன்னெடுத்துள்ளனர்.

மூன்று மணி நேரம் இந்த மோதல் நீடித்துள்ளது. குண்டுச் சத்தங்களால் அந்தப் பகுதியே அதிர்ந்துள்ளது.

ஆப்கன் பாதுகாப்புப் படையினரும் தலிபான் ஆயுததாரிகளும் இயந்திரத் துப்பாக்கிகள் ரொக்கெட் குண்டுகளைப் பயன்படுத்தி கடுமையான சண்டையில் ஈடுபட்டனர். பாதுகாப்புப் படையினர் 5 தலிபான் ஆயுததாரிகளை இதன்போது சுட்டுக்கொன்றதாக காபூல் பாதுகாப்பு பிரிவினர் கூறுகின்றனர்.

மேலும் இருவர் தம்மைத்தாமே வெடிக்க வைத்து தற்கொலைத் தாக்குதல் நடத்தியதாகவும் அவர்கள் தெரிவித்தனர். தமது தரப்பில் ஆட்சேதங்கள் இல்லையென்றும் ஆப்கன் பாதுகாப்பு படையினர் கூறுகின்றனர்.

சர்வதேச படைகளின் உதவியின்றி ஆப்கன் படைகளே தனியாக இந்தத் தாக்குதலை முறியடித்துள்ளதாக காபூலில் இருக்கும் பி.பி.சி. செய்தியாளர்கள் கூறுகின்றனர்.

ஆசிரியருக்கு எழுதுங்கள் | அச்சுப் பிரதி