சுமார் 100 ரூபாய்க்குள் ஆரோக்கியமான சுவையான குடிநீரைப் பெற முடியும். மூன்று மண்
பானைகளை வாங்குங்கள். ஆனால், அவற்றை விசேடமாக வடிவமைக்கச் சொல்லிக் கேட்டு
வாங்குங்கள்.
மண் பானையைச் செய்யும் போதே இரண்டு பானைகளில் தலைமுடி அளவுக்கு நுண்ணிய துளையை
ஏற்படுத்தித் தரச் சொல்லுங்கள். பானையைத் தயாரித்த பின்பு அப்படித் துளையிட முடியாது
உடைந்துவிடும்.
மூன்றாவது பானையில் குழாய் இணைப்பு வைக்கச் சொல்லுங்கள். குழாய் இணைப்பு வைத்த
பானையின் மேல் துளையிடப்பட்ட இரண்டு பானைகளையும் அடுக்கி வையுங்கள். நடுப் பானையில்
தேங்காய் சிரட்டையை எரிய வைத்துப் பொடித்தோ அல்லது கரித் துண்டுகளாகவோ சுமார் ஒன்றரை
கப் அளவுக்கு நிரப்பிக் கொள்ளுங்கள். மேல் பானையில் சுமார் 20 கூழாங்கற்களை
நிரப்புங்கள்.
இப்போது மேல் பானையில் கொதிக்கவைத்து ஆற வைத்த தண்ணீரை மெதுவாக ஊற்றி
நிரப்புங்கள். இரவில் தண்ணீர் ஊற்றினால், விடிந்த பின்பு அடிப்பானையில் குடிநீர்
சேகரமாகிவிடும். ப்ளோரைடு உள்ளிட்ட நச்சுக் கனிமங்களை அகற்றி சுமார் 250 டி. டி. எஸ்.
ஸ¤க்குக் கீழே இருக்கும் கிரிஸ்டல் கிளியர் குடிநீர் இது.
குடிக்கும்போது ஏதாவது ஒரு ஃப்ளேயர் வேண்டும் என்பவர்கள், தேங்காய் சிரட்டைக்குப்
பதில் எலுமிச்சை அல்லது ஆரஞ்சுப் பழத் தோல்களைக் காயவைத்து எரித்து அந்தக் கரித்தூளை
நிரப்பலாம். கரிதூளையும் கூழாங்கற்களையும் 15 நாட்களுக்கு ஒருமுறை மாற்றுவது அவசியம்.
ஆனால் கடல் நீர் ஊடுருவி நிலத்தடி நீர் மற்றும் தொழிற்சாலை இரசாயனக் கழிவுகள் கலந்த
நீரை இந்த முறையில் சுத்தம் செய்ய முடியாது.
மண் பானையைச் செய்யும் போதே இரண்டு பானைகளில் தலைமுடி அளவுக்கு நுண்ணிய துளையை
ஏற்படுத்தித் தரச் சொல்லுங்கள். பானையைத் தயாரித்த பின்பு அப்படித் துளையிட முடியாது
உடைந்துவிடும்.
ஆசிரியருக்கு எழுதுங்கள்
அச்சுப் பிரதி
