டி.வியை இயக்க கையசைப்பு ; ரிமோட் தேவையில்லை

கை அசைத்தால் டிவி இயங்கும். விரல் ஆட்டினால் சேனல் மாறும், சத்தம் கூடும், குறையும். இப்படியொரு தொழில்நுட்பம் அமெரிக்காவில் கண்டுபிடிக்கப்பட்டுள்ளது. டிவியை இயக்க ரிமோட் கன்ட்ரோல் முறை உள்ளது. பல நாடுகளில் தொடுதிரை வசதியும் வந்து விட்டது. இப்போது அதையும் தாண்டி புதிய தொழில் நுட்ப வசதி வந்து விட்டது.

டிவியை இயக்க ரிமோட்டை தேட வேண்டாம், பட்டனை தட்ட வேண்டாம். கை அசைத்தால் போதும் டிவி இயங்கும். விரல் ஆட்டினால் சேனல் மாறும்,சத்தம் கூடும் குறையும்.

இப்படியொரு புதிய தொழில் நுட்பத்தை கண்டுபிடித்து உள்ளது அமெரிக்க சொப்ட்வேர் நிறுவனம். அமெரிக்காவில் புருஷெல்ஸ் நகரை சேர்ந்த சொப்ட்ஹைனடிக் என்ற நிறுவனம், டெக்சாஸ் இன்ஸ்ட்ருமென்ட்ஸ் நிறுவன கூட்டுடன் இந்த தொழில்நுட்பத்தை உருவாக்கி உள்ளது.

இந்த தொழில்நுட்பத்திற்கு 3-ஈ சைகை என்று பெயரிட்டு உள்ளது. இத்தொழில் நுட்பத்தில் உருவாக்கப்பட்ட 3-ஈ வெப்கேமராவை டிவியின் மேல் முகப்பு பகுதியில் பொருத்த செய்கிறது.

இந்த கெமரா முன் நாம் நின்று கொண்டு கை அசைக்கும் போது அது பதிவாகி டிவியினுள் செலுத்தப்பட்டு அது இயங்குகிறது. நம்முடைய ஒருவ்வொரு அசைவுக்கு தகுந்தாற் போல் டிவி இயங்கும்படி இந்த தொழில்நுட்பம் வழி செய்கிறது.

விரல்களை ஆட்டும் போது சேனல் மாறவும் சத்தம் கூட குறையவும் செய்யும். இந்த தொழில்நுட்பம் இவ்வாண்டில் மக்கள் பயன்பாட்டிற்கு வருகிறது.