எழுத்திலும் இலக்கியத் துறையிலும் ஆர்வம்
சிறப்புற பெற்றவர் முயற்சியின் பயனாய்
வாசகர் வட்ட நிகழ்வுகள் நடப்பது
பாரிய பயன்தரும் பணியெனச் சொல்வேன்
வாசகர் தம்மையும் வாசிக்கும் இதழ்களைப்
போஷிக்கும் எம்மையும் இணைத்திடும் வட்டம்
வாசகர் காட்டும் ஆர்வம் வெளிப்பட
வாய்ப்பினை அளிக்கும் எனநான் உரைப்பேன்
வாசகர் பத்திரி கைப்பணியாளர்
நேசமும் நட்பும் கொண்டிட வாய்ப்பு
வாசகர் வட்டம் கிரமமாய் நிகழ்வதால்
வாசிப் போர் தொகையும் பெருகிடும் என்பேன்
தண்புகழ் ஓங்கும் தர்ஹா நகரிலே
தனித்துவம் மிக்கவோர் வாசகர் சங்கமம்
ஏற்பாடு செய்த இனியநெஞ் சங்களை
இதய நிறைவுடன் வாழ்த்தி மகிழ்கின்றேன்
தர்ஹா நகர் எனும் சங்கைசேர் பதியோ
சரித்திரப் பெருமை பெற்றது கண்டீர்
பண்டைய அரேபிய முஸ்லிம் வணிகரின்
பரம்பரை மக்களே இங்குவாழ் சமூகம்
பண்பிலும் அறிவிலும் சிறந்து விளங்கிப்
பல்லோர் மதிக்க வாழ்ந்திடும் இவர்கள்
வணிகமே வாழ்வின் தொழில் எனக்கொண்டு
வளமாய் வாழ்வதைக் காண்கிறோம் இன்று !
ஆற்றல் மிகுந்த கலைஞர் கவிஞரைத்
தோற்று வித்துள்ளது தர்ஹா நகரம்
எழுத்தில் வல்லவர் இலக்கிய ஆர்வலர்
பெருகிய திருப்பதி தர்ஹா நகரம்
கல்வியை வளர்க்கும் கலையகம் பலவாம்
அல்ஹம்ரா பெண்கள் தேசியப் பள்ளி
நல்லாசிரியர் பயிலகம் இஷா அத்துல்
இஸ்லாம் என்னும் அநாதையர் இல்லம்
நகரிலே சாஹிரா மதுரசா பலவும்
நலந்தரு கல்வி கலை வளர்ப் பனவாம்
அறிஞர் சித்தி லெப்பையின் பாட்டனார்
அருமையாய் வாழ்ந்த பழம்பெரும் பதிஇது
அறிஞர் பலரையும் ஆசான் குழுவையும்
ஆக்கப் பணிகளில் ஆர்வலர் பலரையும்
தேக்கி வைத் துள்ளது திரு நகர் தர்ஹா.
நானாகிப்போன உனக்கு...!
– நற்பிட்டிமுனை மும்தாஸ் மக்பூல் –
உன்னுடன் நான்...
திருமணப்பந்தலில்...
இணைந்திருக்காவிட்டால்...
என் வாழ்வு நோட்டு...
இன்னும் வெறுமையாகவே
இருந்திருக்கும்...!
நீயும் நானும் மணப்பந்தலில்...
இணையவில்லையென்றால்...
என் இதயத்தில் நிச்சயம்...
இன்னொருத்திக்கு இடமிருந்திருக்காது...!
உன்னை நான்
ஸ்பரிசித்திருக்காவிட்டால்...
அப்பாவியாகிய உன்னை...
ஏதோ ஏதோவெல்லாம்...
தப்பாய் பேசியிருப்பேன்...!
உன்னோடு இணைந்த
திருமண நாளோடு...
என் வாழ்வின் புதிய அத்தியாயம்...
புனிதமாய் அமைந்தது...!
என் இனியவளே...
உனக்கு என் நன்றிகள்...
என் வாழ்வு உன்னோடு...
இல்லாமலிருந்தால்...
என் இதயம் துடிக்காமலே...
இறந்திருக்கும்...!
இனி...
உன் இதயவறையில்...
இருந்து கொண்டே...
என் கடைசிக்காற்றை...
சுவாசித்து விடவேண்டும்...!
கட்டிக் காத்து என்ன பயன்?
- பாயிஸா கைஸ், சீனன்கோட்டை -
செல்வம் நிறைந்த உழைப்பாளி
சொகுசாய் வாழும் நிறைவாளி
இறையை மறந்து சுழல்கின்ற
இதயம் அற்ற தொழிலாளி!
ஓய்வே இன்றி நித்தமும்
ஓடி ஓடி உழைக்கின்றார்
ஏழை எவரையும் பாராமல்
எளிதாய் பணத்தில் மூழ்கின்றார்!
பாசம் நேசம் இன்றியே
பரவசத்தோடு வேகமாய்
பணம் தான் வாழ்வில் வேண்டுமென
பாரில் உயரப் பறக்கின்றார்!
கையில் நிறைய பணமிருந்தும்
கடுகளவேனும் உறவுகளை
பேணி இனிதாய் நடக்காமல்
பேயைப் போல அலைகின்றார்!
இது போல் பாரில் எத்தனை பேர்
இருந்து கோடி உழைத்தாலும்
கிடைக்கும் நன்மைகள் இல்லையே
கட்டிக் காத்து என்ன பயன்?