இலங்கையின் டெஸ்ட் நடுவர் கே.ரி பிரான்சிஸ் காலமானார் சம்பியன்ஸ் கிண்ண ஆரம்ப நிகழ்வில் குழப்பம்: இலங்கையிடம் மன்னிப்புக்கோரியது ஐ.சி.சி திக்குமுக்காடி வென்றது நியூசிலாந்து ஹொலிபீல்ட் கிண்ண கிரிக்கெட் தொடர் ஆரம்பம்

இலங்கையின் டெஸ்ட் நடுவர் கே.ரி பிரான்சிஸ் காலமானார்

இலங்கையின் முதலாவது டெஸ்ட் கிரிக்கெட் போட்டியில் நடுவராக கடமையாற்றிய கந்தையா பிரான்சிஸ் தமது 73 ஆவது வயதில் காலமானார்.

நீரிழிவு நோயின் காரணமாக சிகிச்சை பெற்று வந்த பிரான்சிஸ் நேற்று முன்தினம் வைத்தியசாலையில் வைத்து காலமானதாக தெரிவிக்கப்படுகின்றது.

நீரிழிவு நோயின் காரணமாக 73 வயதான பிரான்சிஸின் முழங்காலிற்கு கீழுள்ள பகுதி அகற்றப்பட்டிருந்தது. சர்வதேச கிரிக்கெட் பேரவையின் நடுவர்களுக்கான செயற்குழுவின் உறுப்பினராக கந்தையா பிரான்சிஸ் விளங்கினார்.

1982 ஆம் ஆண்டு முதல் 1999 ஆம் ஆண்டு வரையான காலப்பகுதியில் 25 டெஸ்ட் போட்டிகளிலும், 1996 ஆம் ஆண்டு 1999 ஆம் ஆண்டு உலகக் கிண்ண கிரிக்கெட் போட்டிகள் உள்ளடங்கலாக 56 சர்வதேச ஒருநாள் கிரிக்கெட் போட்டிகளிலும் பிரான்சிஸ் நடுவராக கடமையாற்றியுள்ளார்.

இலங்கை கிரிக்கெட் அணியின் முதலாவது டெஸ்ட் போட்டியான 1982 ஆம் ஆண்டு பெப்ரவரி மாதம் இங்கிலாந்துக்கு எதிராக நடைபெற்ற டெஸ்ட் போட்டியில் இவர் நடுவராக கடமையாற்றியிருந்தமையும் குறிப்பிடத்தக்கது.

புகையிரத நிலைய ஊழியராக தமது தொழிலை ஆரம்பித்த பிரான்சிஸ் அவர்கள், இலங்கை அரசாங்கத்தின் ரயில்வே அணிக்காக பல போட்டிகளில் உதைபந்து மற்றும் கிரிக்கெட் விளையாடியுள்ளார்.

ஆசிரியருக்கு எழுதுங்கள் | அச்சுப் பிரதி