! கொழும்பில் தமிழ் வேட்பாளர்களின் வாக்குகளை சிதறடிக்காதீர்கள்.
- மிதிலா சிறிபத்மநாதன்
? சபாஷ்! சரியாச் சொன்னீங்க, உதிரிக் கட்சிகள், உருப்படியில்லா சுயேச்சைக்
குழுக்களுக்கு வாக்குகளைப் போட்டா. மனோ கணேசனைப் போல உள்ளவங்க பாராளு மன்றத்துக்கு
போக முடியாதே.
! இத்தனை தகுதி உள்ள இவரையும் - இவரது அணியையும் பலப்படுத்துவோம். அறிவு ஆற்றல்
அனுபவம் ஆளுமை...... நேயம், பிரபல்யம், நுணுக்கம், சாணக்கியம்...
- தேர்தல் விளம்பரத்தில் ரவூப் ஹக்கீம்
? எல்லாத்தையும் சொல்லி இருக்கீங்க. சொல்ல வேண்டிய சிலதை சொல்லாம விட்டுட்டீங்களே?
! திருட்டுக் கூட்டத்திற்கு வாக்களிப்பதா? தூய்மையான ஆட்சிக்கு வாக்களிப்பதா? மக்கள்
தீர்மானிக்க வேண்டும்.
- பசறையில் பிரதமர் ரணில்
? இந்தக் கேள்விய பசறையில் மட்டும் கேட்டா போதாது - மாத்தறை, அம்பாந்தோட்டை,
குருநாகல் என்று ஒவ்வொரு மாவட்டமா கேட்டத்தான மக்களுக்கு ஞானம் பொறக்கும்.
! மஹிந்தவுடனா? மைத்திரியுடனா? என்பதை இலங்கை தொழிலாளர் காங்கிரஸ் பகிரங்கமாகக் கூற
வேண்டும்.
- வேட்பாளர் ரணில் விக்கிரமசிங்க
? எந்தக் கட்சி ஆட்சிக்கு வருதோ.... அந்தக் கட்சியோட இருக்கணுமங்கிறதுதான் தம்பி
ஆறுமுகத்தின் தாத்தாவோட தாரக மந்திரம். கவலைப்படாதீங்க சார். நாளைக்கு நிச்சயம்
உங்க பக்கம் தான்!
! வடமாகாண முதலமைச்சர் இம்முறை தேர்தலில் நடுநிலை வகிக்கப் போவதாக அறிவித்துள்ளார்.