கீரிமலைக் கடற்கரை ஒரு மனோரம்மியமான இடம் ~யார் ஒருவர் சிறந்த நிர்வாகியாக இருக்கிறாரோ அவரால் எதனையும் சாதிக்கவும் பிரசாசிக்கவும் முடியும்' அரசின் சுற்றுலாத்துறை அபிவிருத்தித் திட்டங்கள் திறனாய்வுக் கலையில் வளர்ச்சிப் போக்கு தங்கத் தமிழ்மலையின் பெரும் பரகசியம் ‘ஏனிந்த கொலை வெறி கொலை வெறிங்கோ?’ காதி நீதிபதிகள் கடமையை சரிவரச் செய்கிறார்கள்: 7 ஆண்டுகளில் 10,000 மின் நூல்கள் நூலக நிறுவனம் சாதனை ஏடாகூடமான கேள்விகள்

அரசியல்வாதிகளின் பெயரால் ஆதரவாளர்கள் திருகுதாளம் ஆதரவைத் தேடுவதில் அதிகாரிகள் தீவிரம்! "இலங்கை மீதான சர்வதேச அழுத்தம் இன விரிசலை துருவப்படுத்தவே வழிகோலும்'' கீரிமலைக் கடற்கரை ஒரு மனோரம்மியமான இடம் இலங்கையில் வனவளப் பாதுகாப்பிற்காக Ford 10,000 டொலர் நன்கொடை அவள் கள்ளி இவ்வார சிரிப்பு ஐக்கியத்தையும் சமத்துவத்தையும் ஏற்படுத்தும் வகையில் அமைந்த அட்டன் மகளிர் தின நிகழ்வுகள் இவ்வார பலன் ஒஸாமாவின் உயிருக்கு உலை வைத்த உறவு? படுகொலையில் முடிந்த தேனிலவு! கண்டிப்பு உள்ள இடத்தில் காரியம் இருக்கும் இன்று ஆரம்பமாகும் ஆசிய கிண்ணப் போட்டி

ஏடாகூடமான கேள்விகள்

ஏடாகூடம் : மொழி

பதில் தருவது: எழுத்தாளர்

தம்பிஐயா தேவதாஸ்

கேள்வி: ஆசிரியர் பயிற்சிக் கல்லூரியில் நீங்கள் படித்த போது யாருக்காவது 'சைட்' அடித்த அனுபவம் உண்டா?

பதில்: இல்லை; ஏனெனில் அங்கு என்னை விட மூத்த பெண்களே என்னுடன் படித்தனர்.

(ஓ... அப்போ உங்களுக்கு இளமை

ஊஞ்சளாடுவது போல...)

கேள்வி: நீங்கள் சினிமா பார்த்திருப் பீர்கள். நாடகம் பார்த்திருப்பீர்கள். இந்த இரண்டுக்கும் என்ன வித்தியாசம் என்று ஒரே வரியில் சொல்லுங்கள் பார்ப்போம்.

பதில்: மனிதனை மனிதனாக காட்டும். மற்றது பெரிதாகக்காட்டும்.

(நாடகம் நடக்கும்; சினிமா ஓடும்!)

கேள்வி: ஆரம்பத்தில் மூச்சுவாங்கும் போது மனிதன் இருக்கும் இடம் எது? மூச்சு நின்ற பிறகு இருக்கும் இடம் எது?

பதில்: மேலே; கீழே

(ஆசிரியருக்கும் அடிசறுக்கும் போல்...)

கேள்வி: நீங்கள் வகுப்பில் ஆசிரியராக இருக்கும் போது உங்களுக்கு கோபம் வந்தால் மாணவிகளுக்கு பேன் பார்த்து விடுவீர்களாமே! உண்மையா?

பதில்: பக்கத்திலேயே போகமுடியாது. பின்பு எப்படிப் பேன் பார்ப்பது?

(பாவம் சேர்... நீங்கள் இவ்வளவு

வெகுளியாக இருந்தீங்களோ...!)

கேள்வி: கலாநிதிகளுக்கும் கலாநதிகளுக்கும் என்ன வித்தியாசம்?

பதில்: படித்தவர்கள் கலாநிதிகள் படிக்காதவை கலாநதிகள்.

(இதைப்படித்து விட்டு கலாநிதிகள் எல்லாம் உங்களோடு சண்டைக்கு வரப்போகிறார்கள்)

கேள்வி: ஐயா வாத்தியாரே உங்களுக்கு ஏன் இதுவரை 'கலாபூஷணம்' பட்டம் கிடைக்கவில்லை?

பதில்: இன்னும் வயது வரவில்லை போலும்.

(ஆசை, தோசை, அப்பளம்)

கேள்வி: விஸ்கியை விட உங்களுக்கு பிராந்திதான் அதிகமாகப் பிடிக்குமாமே! காரணம் அதில் உள்ள முதல் இரண்டு எழுத்துக்கள்தான் என்று உங்கள் நெருங்கிய நண்பர் சொல்லுகிறாரே. உண்மையா?

பதில்: நண்பருக்கு விருப்பமானதாக இருக்கலாம்.

(இருக்கும், இருக்கும். நீங்கள்தான்

உத்தமபுத்திராகிற்றே!)

கேள்வி: போதை தலைக்கேறி பாதை மாறி கீதை உபதேசம் கேட்ட அனுபவம் உண்டா?

பதில்: கீதை உபதேசம் கேட்பதுண்டு. ஆனால் போதை தலைக்கேறியதில்லை.

(தலைக்கு வந்தது தலைப்பாயோடு

போய்விட்டது போலும்)

கேள்வி: தமிழ் நாட்டில் உள்ள ஒரு அரசியல் தலைவரின் பெயரில் உள்ள கடைசி இரண்டு எழுத்துக்களை திருப்பி வாசித்தால் மங்களகரமான ஒரு பொருளின் பெயர்வரும். மங்களகரமான பொருளை தனது பெயருக்குள் ஒளித்து வைத்துக் கொண்டிருக்கும் அந்த அரசியல் தலைவர் யார்?

பதில்: ஜெயலலிதா

(பதில்தேடி முடியைப் பிய்த்துக் கொண்டதாகத் தகவல்...)

கேள்வி: நீங்கள் தம்பிக்கு தாஸனா? 'ஐயா'வுக்கு தாஸனா?

பதில்: தம்பிக்கு யார்தான் தாசன் இல்லை.
(ம்... இருக்கட்டும்... இருக்கட்டும்...)

ஆசிரியருக்கு எழுதுங்கள் | அச்சுப் பிரதி