ஹிஜ்ரி வருடம் 1431 துல்கஃதா பிறை 12
விகிர்தி வருடம் ஐப்பசி மாதம் 04ம் திகதி வியாழக்கிழமை
THURSDAY, OCTOBER, 21, 2010
94 முஸ்லிம் மத வழிபாட்டு தலங்கள் 31 வரை பதிவு
94 முஸ்லிம் மத வழிபாட்டு
தலங்கள் 31 வரை பதிவு
(மர்லின் மரிக்கார், எம். எஸ். பாஹிம்)
வட மாகாணத்தில் 1990ம் ஆண்டு ஒக்டோபர் மாதம் 31ம் திகதிக்கு முன்னர் 94 முஸ்லிம் மத
வழிபாட்டுத்தலங்கள் பதிவு செய்யப்பட்டிருந்ததாக ஆளும் கட்சி பிரதம கொறடாவும்,
அமைச்சருமான தினேஷ் குணவர்தன நேற்று பாராளு மன்றத்தில் தெரிவித்தார்.
வன்னி மாவட்ட எம். பி. நூர்தீன் மஸ¥ர் பிரதமரும், புத்த சாசன மற்றும் மதவிவகார
அமைச்சரிடம் வாய்மூல விடைக்கென கேட்டிருந்த வினாவுக்கு பதிலளிக்கும் வகையிலேயே
அமைச்சர் மேற்கண்டவாறு குறிப்பிட்டார். மஸ¥ர் சபையில் இல்லாத தால் அவரது
வினாவுக்கான பதிலை பிரதமர் சார்பில் அமைச்சர் தினேஷ் குணவர்தன சபையில்
சமர்ப்பித்தார்.
அந்த பதிலில் குறிப்பிடப்பட்டிருப்பதா வது, வட மாகாணத்தில் யாழ்ப்பாணம், மன்னார்,
முல்லைத்தீவு, வவுனியா, கிளிநொச்சி ஆகிய ஐந்து மாவட்டங்கள் உள்ளன. இவற்றில் 1990ம்
ஆண்டு ஒக்டோபர் 31ம் திகதி வரையும் 94 முஸ்லிம் மத வழிபாட்டுத் தலங்கள் இருந்ததாக
முஸ்லிம் சமய, கலாசார திணைக்களத்திலும், வக்பு பிரிவிலும் பதிவு செய்யப்பட்டிருந்தது.
மன்னார் மாவட்டத்தில் 57 முஸ்லிம் வழிபாட்டுத் தலங்களும், யாழ். மாவட்டத் தில் 18
முஸ்லிம் வழிபாட்டுத் தலங்களும், வவுனியா மாவட்டத்தில் 18 முஸ்லிம் வழிபாட்டுத்
தலங்களும், முல்லைத்தீவு மாவட்டத்தில் 6 முஸ்லிம் வழிபாட்டுத் தலங்களும், கிளிநொச்சி
மாவட்டத்தில் 5 முஸ்லிம் வழிபாட்டுத் தலங்களும் என்றபடி பதிவு செய்யப்பட்டுள்ளன.